خويت درب عمري ماخذانـي دونهـا النسيـان

من روااااااااائع الشاعر ناصر القحطاني

خويت درب عمري ماخذانـي دونهـا النسيـان ,,, وأنا ياهل الملامـه مارغبـت العيـش وحدانـي

ابيها مهرة ماعسفت صغيـره وبنـت حصـان ,,, أبوهـا اللـي يفـك المشكلـه ويزبـن الجانـي

أبوها لاتعـزوى باسمهـا فـزوا لـه العربـان ,,, يحق الها الفخـر فـي قولـة آل فـلان جدانـي

ابيها فـي بحـر عشريـن لازود ولا نقصـان ,,, أبيها اقصر طويله والوصوف اشكـال و الوانـي

أبي الجبهه كما الصبح وكما القوس أسود الحجان ,,, وابيهـا ناعسـات ونرجسيـه سـود الأعيانـي

ابي رمش كما ريش يغطي الثلج فـي الأوجـان ,,, وابي جفن يشيل الرمـش طربـان و كسلانـي

وابي خد مثل ورد تنمـى فـي طـرف بستـان ,,, وابي خشم صغير ومثل حـد السيـف شامانـي

ابي البسمه كما البرق وثناياهـا كمـا المرجـان ,,, وشفاهـا جمرتيـن وفمهـا خاتـم سليمـانـي

ابي شعر كما ذيـل الفـرس لا كبـت الميـدان ,,, او الشـلال لامـن بـات ليلـه بيـن الامتانـي

ابي جيـد سـواة ابريـق فضـه ناتـق مليـان ,,, وصـدر كنـه مرايـه عليهـا طلـع رمـانـي

ابي ظهر كما الجدول وقدمن مثل غصـن البـان ,,, وخصر مثل مجـدول العنـان وجسـم رويانـي

ابيهـا نابيـة ردف وبطـن ضامـر جـوعـان ,,, ابيها مدمجـة سـاق وقدمهـا لسـان ثعبانـي

ابيها بنت عـز مـن رغدهـا ينعـم الفستـان ,,, ابي الرقه وابـي الدقـه لهـا باطرافهـا شانـي

ابي المشيه كما اللي طالع من المعركـه كسبـان ,,, وابيها ترش مـع خطواتهـا مسـك وريحانـي

ابي صوت إلى مني سمعتـه كـن فيـه الحـان ,,, يدغدغ مسمعي ويثير كل السحر ف.. اشجانـي

ابيها حب واخلاص وهواجيس وفـرح واحـزان ,,, ابيهـا مثـل دكتـور اهالـي العشـق وصانـي

ابيهـا لوحـة ماصورتهـا ريـشـة الفـنـان ,,, ابيهـا جوهـرة ماجابهـا قـاصـي ولا دانــي

ابيها تنتصر لـي مـن زمـان حطنـي نيشـان ,,, وتبشـر بالغـلا اللـي مالفابـه واحـد ثـانـي

مهرها قلـب وشعـر يهـز القلـب والوجـدان ,,, والبسها القصيـد وتصيـح اوزانـي وقيفانـي

ابي اللي فات واللي فات صعب ومن لقى العنوان ,,, يرد العلم وإلا افضـل ابقـى اعيـش وحدانـي

هلا Federer
مشكور على مرورك